【回應黑暗】英國馬會禁英國賽駒流入人類食物鏈

Homan

9 October 2021, 2:01:10 am

今年七月BBC透過其節目Panorama揭示有四千匹賽駒退役後被送往屠房被機關槍射殺。(相關報導:https://bit.ly/2UxkF4T)事件引起大眾關注,同時亦令英國馬會反思現行政策能否保障退役馬。

英國馬公布於2022年一月起,所有英國本地出賽馬嘅馬師或馬主都需於出賽前簽署一份協議,協議訂明賽駒退役後唔會流入人類食物鏈,而且亦不可以透過運往屠房賺取任何金錢,以保障退役馬嘅福利。英國馬會指出早前已與業界商討,先落實呢項政策,相信業界並唔會對此反感。

當然協議可以帶黎一定約束力,但相信呢個只係第一步。英國馬會正考慮有關條款涵蓋從海外抵英出戰嘅賽駒。而若然要追蹤馬主或練馬師有否遵守條款,或許設立一個團隊協助監察。

另外,節目提到嘅F Drury & Sons屠房,其公眾要求結業聯署現時達十一萬,但似乎仍未可以令F Drury & Sons屠房倒閉。

Source: Racing Post
Photo: Animal Aid (Panorama截圖)