【四歲精英】「浪漫勇士」攻女皇盃 「加州星球」心意未定

Homan

21 March 2022 at 1:26:13 pm

今季四歲系列隨著「浪漫勇士」贏得香港打吡大賽而完結。

賽後「浪漫勇士」練馬師沈集成接受傳媒訪問時透露下一個部署。「浪漫勇士」預計會出戰4月尾嘅一級賽女皇盃。沈集成就表示今年冠軍賽日唔會有外隊馬來港，認為今次係佢絕佳機會挑戰年長馬。沈集成就話會部署該駒出戰與打吡同程嘅女皇盃，向首個一級賽頭銜進發。上一匹打吡冠軍同年贏得女皇盃已經要數到2016年嘅「明月千里」。

而由告東尼訓練嘅「加州星球」，喺打吡以短距離僅負，取得亞軍。告東尼接受訪問時就話會部署「加州星球」出戰冠軍賽日，但會喺女皇盃同冠軍一哩賽二擇其一。告東尼就話而家仲未確定到「加州星球」嘅最佳路程，佢需要多啲時間考慮。佢表示「加州星球」喺打吡賽末段奮力抵抗「浪漫勇士」，展現十足鬥心，告東尼相當滿意其表現。

Photo: HKJC
Source: SCMP