【嘩!多謝曬喎 屈迪生上訴獲減刑】

Homan

28 May 2021, 5:32:17 am

屈迪生早前因未盡全力策騎,而被罰停賽七日( https://bit.ly/3hZUNaY )。屈迪生決定上訴,董事未有撤銷指控,認為屈迪生很小程度上破壞賽馬界誠信,將停賽日數由七日減至五日。

屈迪生於上訴庭指佢於出閘後,無約束地讓座騎自由競跑,以收復失地。但座騎不斷被拋離,更被拋離十二個馬位。佢形容座騎於早段落後咁多個馬位相當少見,並指出陣上要追番三個馬位已不容易,更何況係要求一匹初出馬追十二個馬位,因此佢認為該駒該日賽事早已完結。

BHA 代表Louis Weston指出屈迪生於出閘後已放棄賽事,認為佢太早落決定,屈迪生需為於賽事中有所施為及被其他人睇到佢有所施為。騎師有責任為向馬迷於陣上展現該駒的優點。

當地騎師協會主席Paul Struthers對BHA判決感失望。佢認為BHA以誠信問題處罰屈迪生並不公道,顯然屈迪生策騎方式並無牽涉誠信問題。屈迪生座騎於出閘已毫無爭勝機會,佢以自身座騎最大利益考慮而停止催策座騎,解釋相當合理。今次判決是否顯示出,BHA認為即使賽駒無爭勝機會,騎師都需要做下樣騎一、二百米呢?Paul Struthers認為這個判決極具爭議。

Source: Racing Post
Photo: HKJC