【嗌曬救命!仲未入得場 英國大型體育賽事未來六個月或續閉門】

Homan

英國政府數個月前宣布,所有大型體育賽事可於十月一號逐步開放比觀眾入場觀賽。但隨著近日每日英國確診人數上升。單單星期二,一日內已有4926單確診,疫情持續反彈。

英國首相約翰遜(Boris Johnson)於下議院宣布推翻其十月一號讓觀眾入場觀賽既決定,並指出預計所有英國國內既大型體育賽事於六個月內皆需閉門進行。

除左英國足球賽事外,英國賽馬活動亦需遵守相關規定,即英國冠軍賽日及各項跳欄大賽都需閉門進行。英國馬會相信相關決定會對各大馬場造成極大衝擊。英國馬場協會(Racecourse Association)表示即使佢地今年減左獎金,但今年佢地仍將會虧蝕2.5億至3億英鎊(約24至29億港元)。

如果閉門作賽持續,佢地擔心自己未必可以繼續營運落去。因此,佢地希望政府可以提供財務支援,畢竟佢地於復賽後提供就業機會予國民。

Source: Racing Post