【單打獨鬥?「露營友」閃電錦標大戰「綠化帶」】

Homan

今日稍後時間澳洲將上演直路1000米一級賽閃電錦標,目光落左去上年VRC Sprint Classic頭兩名,「露營友」(Bivouac)及「綠化帶」(Nature Strip)身上。

前者今年目標為皇家雅士谷賽期,希望憑呢場打響頭炮。今場繼續搵到贏馬拍檔薄奇能,排6檔,挑戰將會係服役以來首戰直路1000米賽事。而「綠化帶」今季初表現頗為失望,上仗VRC Sprint Classic稍為好轉。上屆於此賽僅得殿軍,今年因麥道朗未能壓陣,被逼換上維省一姐賈傑美出戰,但賈傑美今季手風大順,且策「綠化帶」試閘後亦受好評,或許能反先「露營友」。

而第三勢力會是排3檔的古摩亞育馬場錦標冠軍,披上「威利」系綵衣既September Run,於費明頓出戰未曾落敗,但未曾出戰1000米賽事及對年長馬,今仗將會考驗級數。而今季後退役既摩亞錦標冠軍Pippie則抽到4檔,配上連達文。

而NSW方面,蘭域馬場焦點係第七場太陽神錦標,放棄出戰All Star Mile既「雍容爾雅」(Verry Elleegant)成為全場焦點。由華禮納訓練既「雍容爾雅」今季已勝出三場一級賽,由1400至2400米都能取得頭馬。墨爾本盃需只得第七名,但休息過於此仗復出唔需孭頂磅,而且續由麥道朗策騎,自然受注目。

而另外兩匹由華禮納訓練既一哩好手Kolding及「樂趣星」(Funstar)則分別由布文及貝湯美策騎。前者已經有一場熱身,且表現不俗,期望可以繼續有好表現。而澳洲橡樹大賽冠軍「花都教主」(Colette)季初表現較失望,上場於大爛地下贏出Golden Eagle,今場由金美琪(Rachel King)策騎,睇下會唔會繼續有好表現。

Source: Racenet