【唔慣比女圍】「樂透心」放草休息 下個目標寶塚紀念賽

Homan

5 April 2022 at 1:51:06 pm

日本2021年馬王「樂透心」（Efforia，エフフォーリア）喺星期日出戰大阪盃大熱倒灶，現已回到福島嘅Northern Farm 天榮放草休息。

練馬師鹿戶雄一接受訪問時嘗試分析落敗原因，「樂透心」完成賽事後被發現右眼腫脹，懷疑喺閘廂等候時撞閘所致。初步觀察無礙，但會進一步檢查角膜，以策萬全。騎師橫山武史指「樂透心」似乎聽到左右兩個閘廂嘅雌馬叫聲後感不安，而當時左右兩側雌馬為「紅線情牽」（Akai Ito，アカイイト）及「瑪蓮必勝」（Win Marilyn，ウインマリリン）。

另外，鹿戶雄一認為今次係「樂透心」首次由關東運往關西作戰，並首次到阪神馬場上陣。另外陣上遇上快步速，「樂透心」未能完全發揮。總之，今次落敗有好多原因夾埋所致，並認為自己要負上全責。

鹿戶雄一會與馬主團體商量，如一切順利的話，會以寶塚紀念賽為下個目標。

Source: デイリースポーツ
Photo: 有馬紀念賽截圖