【唔夠人又肺炎】大摩棄黃金海岸 下一步原來係?

Homan

3 January 2022, 2:15:52 pm

澳洲傳媒Racenet報導,香港傳奇級練馬師約翰摩亞(大摩)早前與細佬摩加利拆夥後,與其仔佐治摩亞到昆士蘭黃金海岸開倉。

不過,澳洲傳媒指佢決定將佢喺黃金海岸嘅14個馬格交還比當地馬會。佢就表示由於人手問題及疫情不穩決定放棄喺當地練馬。大摩就話自己曾經努力留住員工,但不得要領。因此,無奈決定交還馬格。佢對澳洲傳媒指自己對於未來未有計劃,澳洲傳媒就猜測大摩會回悉尼與細佬摩加利重組。

不過,比你估到就唔係大摩啦!香港傳媒新報馬經就指身處香港嘅大摩將會繼續喺馬圈發揮其影響力,佢將轉任馬販,全力為馬主揀選合適賽駒。

佢喺回澳洲之初已購入高價幾匹週歲馬,當時希望靠佢地大展拳腳。未知呢啲賽駒長成後,會否以馬販大摩之名引入香港呢?而大摩又會為香港引入咩賽駒呢?

Source: Racenet, 新報馬經
Photo: Nigel Hallett