【唔使檢疫!凱旋門大賽騎師配搭或有變動】

Homan

30 September 2020, 6:21:19 am

早前英國政府宣布,所有從國外回國既騎師需隔離八日先可以再上陣,令到艾兆禮及莫艾誠等騎師放棄出戰呢項大賽而留係英國,原定凱旋門座騎需易配。

不過經過英國一輪磋商後,政府對呢批精英運動員放寬限制。所有參加今個星期隆尚馬場賽事既騎師,只要佢地係搭私人交通工具往返,番到英國後皆不需要隔離,並可以繼續上陣。

不過佢地需要遵守嚴格既規則。除左返英要每隔幾日做測試外,更要每日匯報身體狀況。如屆時測試呈陽性,佢地將要即時接受隔離。而且返英七日內,佢地對避免與他人接觸,即使去操馬、比賽都要自己一個。另外除左食野飲水、換衫沖涼,佢地都要佩戴口罩。

唔知呢項措施會唔會令艾兆禮騎番「弦樂器」(Stradivarius)同莫艾誠騎番「迪雅卓」(Deirdre)呢?

Source: Racing Post