【周俊樂地標戰起孖 韋達表示滿意】

Homan

9 May 2020 at 2:55:46 pm

周俊樂今日初次於香港上陣，佢憑師父馬「承你所願」及大摩馬房「二郎」成功起孖。

其首場頭馬為「承你所願」，周俊樂賽後接受訪問時表示自己於六百米處跟隨師父指示將賽駒移出望空。「承你所願」望空後走勢唔錯，但佢因為太緊張而跌鞭。結果只能盡其所能靠推騎及呼喝催策座騎，最後亦能贏得頭馬。之後佢係第九場策騎「二郎」贏馬，首日上陣即贏出一班賽。周俊樂就話師父韋達鼓勵佢多啲問問題，如果唔問就唔會識。所以佢都會好主動問野，改進自己。

佢師父韋達就相當滿意周俊樂首日既表現，且認為周相當受教。佢星期五詳細咁講左關於跑道既特點，周俊樂已經交出不錯既結果。佢仲話如果繼續保持呢個騎式，呢個態度，周俊樂將會有一個光明既將來。

香港策騎少不免壓力，熟悉香港競賽模式既佢都話會向周俊樂講多啲香港騎師會遇見既壓力，同埋點樣處理壓力。

Source: SCMP; HKJC