【各處鄉村各處例?】點解琴晚尾場「極美」未揭蒙頭布都當出賽馬賽匹?

Homan

17 June 2021, 4:37:48 am

琴晚雅士谷尾場賽事肯辛頓宮錦標,蘇兆輝策騎「極美」(Stunning Beauty)於未揭蒙頭布及馬被下,閘廂突然打開,完全未有參與角逐。

賽後競賽小組用左30分鐘研訊。小組傳召左騎師蘇兆輝及司閘員,最終決定「極美」為出賽馬匹。英國馬會條例指只有以下兩個情況,賽駒才可以視為非出賽馬匹,包括閘廂因技術問題未能打開及賽駒於無騎師情況下出閘。而「極美」閘廂明顯無問題,騎師蘇兆輝於開閘時亦已經坐在座騎上。因此,小組決定「極美」為出賽馬匹。根據資料,英國馬會要求騎師需要於開閘確保所有蒙頭布及馬被移開,有需要時需向司閘員示意延遲開閘。

騎師蘇兆輝研訊後接受傳媒訪問時指,佢於開閘前已經大聲叫等陣,但可能閘前好多人講野,要求傳達唔到比司閘員知道,佢覺得司閘員有空間等陣先開閘。而司閘員接受查詢時指自己聽唔到有人要求延遲開閘,故當時應該為合適時機開閘。

賽後Twitter 基本上一面倒認為「極美」應為非出賽馬匹,對於英國馬會競賽小組決定感到相當不滿,未知今次會否成為契機改善當地賽馬規例,但投注人士既錢就已經一去不返。

Source: Racing Post
Photo: Racing.com / @PatCummingsTIF

事發片段:https://twitter.com/rory_flanagan/status/1405218391321825283?s=21