Homan

4 July 2021 at 11:25:08 am

琴日既沙丘園馬場上演日蝕大賽日，當中頭場就出現一個香港較罕見既場面。

頭場賽事Coral "Beaten-By-A-Length" Free Bet Handicap兩匹賽駒「疾風伊凡」（Hurricane Ivor，1號）及「鳳凰星」（Phoenix Star，10號）末段鬥得難分難解，並一同衝過終點。英國馬既相由公司Race Tech提供，通常可以於衝線後兩至三分鐘內提供觸線一刻既相。初步既相顯示，反鏡可以睇到「疾風伊凡」比「鳳凰星」率先觸線，因此初步結果係「疾風伊凡」第一，而「鳳凰星」為第二。

不過當各人再睇真啲其他相，包括「疾風伊凡」練馬師郗國思認為Race Tech反鏡張相有啲問題。佢果刻已認為競賽小組會就張相展開研訊。結果研訊燈亮起，並研究多幅相後，小組發現用作影相既反鏡有問題，因此放棄該場賽事以反鏡作為賽事結果參考。最後判該場賽事兩駒平頭，「疾風伊凡」及「鳳凰星」同為賽事冠軍。

Race Tech公司發言人指，賽前都會由資深操作員檢查各影相設備包括反鏡。然而，反鏡位置出現問題，令影相結果並不準確。佢地認為檢查至賽前反鏡或被撞。英國有一啲莊家雖然都當兩駒為頭馬，亦表示呢件事並非第一次，但負責既公司未有因就此事道歉。同時，佢地亦認為應就此事調查，確保之後唔會再發生類似既事。

近年香港未曾見過競賽小組於打出暫定賽果後，因相片問題而推翻結果。畢竟香港賽事既相都係由香港馬會推供，與英國馬外判有所不同。

Source: Racing Post
Photo: Race Tech