【叉足電】潘頓復出初期造唔到120 來季繼續留港

Homan

3 January 2022, 3:21:53 pm

早前報導指潘頓希望喺今個月12號復出,佢接受訪問指自己趁受傷期間,渡過一個平常人嘅聖誕,自己亦增磅唔少,故復出初期有機會造唔到輕磅。

潘頓接受SCMP訪問時就話自己呢段受傷期間,除左接受治療外,亦與屋企人及朋友歡渡假期,尤其撞正小朋友放假。佢就話自己喺聖誕食曬成隻火雞,毫無罪疚感,畢竟唔需要擔心造磅問題。

潘頓亦趁呢個機會比自己一個喘息空間稍為遠離賽馬叉下電,佢就話會自己已經Book定一啲12號嘅座騎,但預計自己唔能夠騎太輕或接近120磅座騎,因此已經推左一啲座騎。

潘頓由於肋骨及手腕受傷,令佢唔可以跑步、游水及做上半身運動操Fit自己。佢笑稱自己會好似蔡約翰啲馬鍛鍊自己,姐係操練強度強極有個譜。不過,潘頓仍然未攞到馬會醫生復出許可,所以能否於12號復出仍存變數。

不過有一樣肯定嘅係潘頓下季會繼續留港策騎。佢喺同一個訪問被問及會否繼續策騎或留港時,佢就話自己並無計劃離港,佢仍唔希望自己嘅策騎生涯就此結束。即使近日墮馬意外亦唔會改變佢嘅諗法。佢希望可以盡快復出,繼續贏馬。

Source: SCMP
Photo: HKJC