【又去日本?】「拼百圖」宣布退役 前往日本擔任種馬

Homan

5 November 2021, 4:41:19 am

高多芬擁有嘅「拼百圖」(Benbatl)宣布退役,並會轉任種馬。消息指佢將會前日本Big Red Farm開展配種生涯。

現年七歲嘅「拼百圖」於2017年出道,當時已攻下漢普頓宮錦標。轉歲後到杜拜上陣,取得空前成功,四戰取得三冠一亞,當中包括一級賽杜拜草地大賽。雖然番到歐洲後表現患得患失。但下半年轉到澳洲上陣,除左贏得考菲爾德錦標外,更於覺士盾取得亞軍,當時冠軍為「雲絲仙子」(Winx)。或許四歲搏得太勁,「拼百圖」休養近一年先復出,之後一直與一級賽絕緣。

比較有趣嘅係佢曾於六歲時轉跑杜拜泥地賽事,並於麥通第二輪挑戰賽贏馬,可惜杜拜超級星期六及世界盃因疫情取消,令佢難以進一步證明其泥地能力。

「拼百圖」所屬嘅Big Red Farm為日本中型牧場,除左大家識悉嘅「黃金船」(Gold Ship)外,仲有香港盃及女皇盃冠軍「勝出光采」(Win Bright)。睇下呢匹「杜拜威」(Dubawi)子嗣可以為日本配種界帶來咩變化喇!


Source: Racing Post
Photo: Meydan Racing