【去遠征吧】三駒報爭九月韓國國際賽事

Homan

15 July 2022 at 9:15:24 am

對上一次香港代表遠征，已經要數到2019年韓國國際賽事。兩匹香港代表「豹子頭」及「逍遙自在」分別喺韓國短途錦標及韓國盃上陣，結果「逍遙自在」喺韓國盃跑入第四名。

近年一直未有賽駒遠征海外，早前「顯心星」幕後表示有意出戰人馬錦標及日本短途馬錦標，暫未知係咪確定會成事。而今日馬會就公布，三匹香港賽駒報名出戰韓國國際賽事。

「黃金甲」報名參加韓國盃，而「嘉應精英」及「錶之智能」就會報名韓國短途錦標。由於現時仍然喺報名階段，暫未知當地馬會會唔會邀請曬佢地，同時佢地就算獲邀，都有權拒絕出戰。睇下最後能否成事喇！

而下個馬季有機會延遲開鑼，故到時直播安排如何呢？都要等馬會再公布喇！

Source: HKJC
Photo: HKJC