【半個鐘內急轉彎】「弦樂器」古活盃奪亞 暫不決定退役

Homan

27 July 2022, 3:25:34 am

「弦樂器」(Stradivarius)馬主Bjorn Nielsen喺賽前宣布會根據「弦樂器」古活盃嘅表現,決定會否引退。因此,古活盃好有機會係「弦樂器」嘅最後一戰。

戴圖理古活盃雖然並非策騎「弦樂器」上陣,但賽前特意出Twitter多謝「弦樂器」,並指古活盃有機會喺佢最後一戰。而古活馬場亦貼出「Thank You Stradivarius」嘅字句,致敬呢匹長途王,即使喺季內引退前都會係最後一次喺呢個馬場上陣。基本上現場所有馬迷都以為「弦樂器」會以古活盃作引退戰。

結果「弦樂器」奮戰下跑入亞軍,幕後相當滿意其表現。馬主賽後就表示「弦樂器」仍然有戰鬥力,操練表現仍然出色,似乎無特別原因喺平地馬季中選擇退役。馬主表示「弦樂器」至少仲會跑多一場,暫時計劃內有約克倫斯度盃或唐卡士打盃為下一個目標,但馬主暫時會考慮出戰倫斯度盃,始終該二級賽比唐卡士打盃多近一倍獎金。

Bjorn Nielsen就話來仗嘅鞍上人仍然未確定,佢指出戴圖理喺約克表現出色。之後佢會與高仕登與高素德再商量用咩騎師出戰下一場賽事。睇下呢18場級際賽冠軍,可唔可以喺退役前贏多場級際賽喇!

Source: Racing Post
Photo: Racing Post