【十四匹賽駒報名朱德望國際錦標 「既成事實」迎戰各路好手 又見到「佳明驥」報名】

Homan

13 August 2020 at 3:07:57 pm

下星期約克伊波賽期既焦點賽事，為一級賽朱德望國際錦標。

係啱啱出左既報名表入面，一早話左會跑呢場既日蝕大賽冠軍「既成事實」（Ghaiyyath）當然係名單之列。

而岳伯仁就為六匹馬報名，當中最有機會挑戰「既成事實」既係「變魔術」（Magical），今季兩戰全勝。而高仕登就為三駒報名，最有級數相信係威爾親王錦標冠軍「諾斯勳爵」（Lord North）。此駒已公布會交由戴圖理策騎。

當中較特別既係兩匹琴日係傑克莫華大賽名單見到既「佳明驥」（Kameko）同「海上宮殿」（Palace Pier）都有報朱德望國際錦標。其中前者已退出傑克莫華大賽，相信會出戰下星期三既朱德望國際錦標。而「海上宮殿」就未有退出傑克莫華大賽，考慮到戴圖理已經確定會騎「諾斯勳爵」，相信「海上宮殿」會出戰傑克莫華大賽。

另外，預計會黎香港既「登頂峰」（The Summit）都已經退出左傑克莫華大賽，令該場一級賽得番七匹馬角逐。「登頂峰」會改跑星期六於多維爾舉行既二千米二級賽奧南奴錦標（Prix Guillaume d'Ornano）。


Source: Racing Post; France Galop