【十五萬大元】葉楚航賽駒「銀亮之風」流鼻血漏報案 被罰款十五萬

Homan

21 April 2022 at 10:28:38 am

練馬師葉楚航早前捲入隱瞞漏報賽駒流鼻血案（相關報導：https://bit.ly/3L3euKZ）。當時小組指需要押後研訊。今日小組就有案件研訊並作出裁決。

案情指葉楚航於2021年12月27日星期一早上收操時，其助理練馬師陳文海將「銀亮之風」於當天早上操練後鼻孔有血報告比葉楚航聽。但葉楚航得知「銀亮之風」鼻孔有血後，自己未有及授權員工於同日向主任獸醫（賽事管制）或獸醫報告，令「銀亮之風」鼻孔有血未有即時報告比獸醫。

小組因而指控葉楚航違反董事局指示第8 (1) (i)條規定：

//即馬匹流鼻血，不論是一個鼻孔或兩個鼻孔流血，練馬師或其授權員工均須於馬匹流鼻血當日，盡快向董事及主任獸醫（賽事管制）或獸醫報告。//

葉楚航承認自己違反有關指控。小組考慮後決定判葉楚航罰款十五萬港元。小組指葉楚航有權提出上訴，而助理練馬師陳文海嘅報告會送往馬房部，未知會唔會有處分，但相信都會對日後升遷做成影響。

早前葉楚航因為違反防疫要求出外用膳，最終被罰六十萬港元。今次葉楚航隱瞞漏報賽駒流鼻血事件就罰十五萬港元。唔知經歷過兩個處罰嘅佢，會覺得六十萬果次太重，定今次執番身彩呢？作為馬迷嘅你，又覺得呢個判罰點呢？


Source: HKJC
Photo: HKJC