Homan

28 February 2022 at 1:40:49 pm

「加州星球」琴日捧走四歲系列次關經典盃，賽後幕後有意部署該駒進軍打吡。告東尼並唔懷疑其長力，但鞍上人潘頓就有啲擔心「加州星球」末段有疲態，或未能應付2000米，但佢相信賽駒質素。咁佢其他對手又點呢？

SCMP今日有報導指，經典盃第六名嘅「包裝智威」就決定換騎師一試。今季兩勝一級賽嘅騎師薛恩將會策騎「包裝智威」香港打吡大賽。而何澤堯預計會策騎薛恩經典盃坐騎「黑桃火箭」出戰。薛恩接受訪問就話可以策騎「包裝智威」出戰，令佢感到相當驚喜。佢相當期待可以策騎佢上陣。

而其他對手方面，經典盃亞、季及殿軍「都靈太陽」、「發財先鋒」及「浪漫勇士」都唔會換騎師。佢地分別會繼續交由巴度、梁家俊及田泰安操刀。另外，莫雷拉會繼續策騎「多巴先生」上陣。

Source: SCMP
Photo: HKJC