【加入戰團】英國橡樹冠軍「戰神日」劍指愛爾蘭打吡大賽 「韋氏」換人攻堅

Homan

22 June 2022 at 4:46:29 am

古摩亞賽駒「戰神日」（Tuesday）喺今個月初攻下英國橡樹冠軍，下一仗將會喺愛爾蘭上陣。

但佢並唔會出戰雌馬限定賽事，反而會延遲報名加入愛爾蘭打吡大賽。古摩亞需要為此付出額外費用。佢地將會交「戰神日」比莫雅策騎攻堅。練馬師岳伯仁就話雖然近黎操練稍為放緩，但「戰神日」操練表現依然唔錯。而且佢一日比一日成長，與年初嘅佢有好大分別。

英國打吡參賽馬「石器時代」（Stone Age）雖然喺愛爾蘭打吡中報名，但岳伯仁就傾向部署該駒縮程出戰日蝕大賽。如最終成事，屆時會與法國打吡冠軍「奮蹈厲」（Vadeni）碰頭。

其餘愛爾蘭打吡大賽參戰馬方面，英國打吡季軍「韋氏」（Westover）將會出戰，但鞍上人將會由韓比爾換上簡國能。韓比爾接受訪問時表示失望，但當然佢理解白簡國能為三屆愛爾蘭冠軍騎師，而且對方亦比自己更熟悉卻拉馬場。而佢都清楚知道簡國能與朱德望集團關係密切。


Source: Racing Post
Photo: Racing Post