【劍指香港瓶】馬會盃冠軍「精神威」傾向出戰香港瓶

Homan

22 November 2021 at 12:14:18 pm

琴日「精神威」於馬會盃慢放得手，首次攻陷二級賽。

這匹「忠誠漢子」（Reliable Man）子嗣全程以慢步速領放，早段保留體力下於轉入直路再走甩些少，結果終點前力抗所有對手來犯贏馬。賽後梁家俊接受訪問指今仗「精神威」有啲幸運，同為領放馬嘅「嘉應之星」慢閘，而且至中段都無馬拍上黎，令「精神威」未受任何壓力下慢放，結果末段有足夠體力應付其他對手。

練馬師羅富全就表示香港瓶會更適合呢匹二級賽冠軍發揮。佢希望「精神威」可以保持狀態，與一眾海外賽駒週旋。另外同場落敗嘅「勇戰神駒」賽後未有異常之處，幕後似乎未決定出戰香港盃定香港瓶。

Source: SCMP
Photo: HKJC