16 March 2020 at 3:21:36 am
前幾日就話柏寶會策騎「孖寶兄弟」出戰香港打吡大賽。琴日話有機會唔黎，今日就決意來港出戰，劇情可以話係三百六十度轉變。
琴日就有消息指澳洲政府要強制由海外返澳人士自我隔離14日，令到貝湯美同柏寶如果要過黎出賽就要係番回澳洲後自行停賽14日。結果，貝湯美就決定唔出來港出賽，而柏寶就決定就算番去要隔離，都要騎「孖寶兄弟」，睇黎馬主幕後都落左唔少心機。武漢肺炎疫情難以預測，真係未出閘都唔知會唔會成行。
另外，由於香港要求所有抵港前14日曾到愛爾蘭、英國、美國或埃及人士需接受家居隔離，故史賓沙將唔會來港出戰打吡。
Source: 新報馬經
