【剛戰大勝同齡馬】菊花賞冠軍「領銜」年內目標二選一

Homan

26 October 2021 at 9:00:35 am

菊花賞冠軍「領銜」（Titleholder，タイトルホルダー）上星期日大勝對手五個馬位，除左馬匹能力強勁之外，鞍上人橫山武史發揮亦獲得不少人讚嘆。

練馬師栗田徹指「領銜」返到馬房後感到疲勞，畢竟此仗耗力甚多。練馬師安排下星期「領銜」將會放草休養，讓其回復體力。練馬師指如體力回復理想，將會於年內再跑一場賽事，屆時將會對陣年長馬。佢會於年尾有馬紀念賽及12月中香港瓶中二選一。

最近期以應屆菊花賞冠軍身份來港賽駒為「神業」（Kiseki，キセキ），當時都係出戰香港瓶。賽前一度有皮膚問題，最終落第只有第九名。再數就要到2006年「風之歌」（Song of Wind，ソングオブウインド），當時由武幸四郎策騎，取得當屆香港瓶殿軍。

Source: スポーツ報知
Photo: 菊花賞賽事截圖