Homan

11 November 2021 at 8:04:45 am

日本白毛賽駒Sodashi（ソダシ）早前於秋華賞落敗而回，經過一輪休養後，早前已返回馬房操練，練馬師須貝尚介琴日透露Sodashi來仗計劃。

Sodashi秋華賞賽後發現衝閘撞傷牙，剝牙後稍事休息並於上星期返到馬房操練。須貝尚介指Sodashi將會出戰12月初嘅泥地一級賽——冠軍盃（中京泥地1800米）。佢認為1800米路程相當適合Sodashi發揮，而且3歲馬轉戰年長馬一賽級亦有受讓磅，亦指Sodashi於血統上泥地依據，認為一試無妨。因此決定年內再出戰多一場。

Sodashi上線出自「黑船」（Kurofune，クロフネ），服役時於泥地表現出色，曾於2001年泥地日本盃（冠軍盃前身）大勝而回。而Sodashi媽媽Buchiko（ブチコ）服役時亦四勝泥地賽。因此Sodashi轉場出戰並非無的放矢，且看表現如何喇！

Source: スポーツ報知
Photo: JRA