【初次遠征理想】「致勝一擊」計劃稍後進軍中東

Homan

14 December 2021 at 3:46:49 pm

香港瓶亞軍「致勝一擊」（Pyledriver）初次遠征香港，即於香港瓶取得亞軍。練馬師莫爾為「致勝一擊」嘅表現感自豪。

「致勝一擊」於終點前僅負「耀滿瓶」（Glory Vase），莫爾就表示於最後二百米一度以為「致勝一擊」可以取勝，並指唔知道「耀滿瓶」喺邊到追上黎，結果終點前被呢匹2019年冠軍擊敗。莫爾認為「耀滿瓶」表現相當出色，而且對方喺香港一直表現穩定，落敗亦無辦法。

今次雖然為「致勝一擊」初次遠征，但優異嘅成績令幕後考慮部署來年兩項中東賽事。第一項為沙特盃，而另一項則是杜拜司馬經典賽。佢地認為呢兩場賽事將會適合「致勝一擊」發揮。佢地計劃一旦「致勝一擊」遠征中東，佢就會於完成杜拜賽事後休養生息，並延至夏季喺英國復出，以英皇錦標或朱德望國際錦標為復出戰，作為挑戰凱旋門大賽嘅前哨戰。


Source: Racing TV
Photo: HKJC