Homan

29 July 2020 at 3:18:38 am

剛過去既一星期，美國同法國都有賽馬名門之後取得從騎首勝。

法國名將柏兆雷女兒Megane Peslier上星期四取得職業生涯首勝。呢位24歲既女騎師之前一直都只係以業餘身份參與賽馬運動，佢自己接受訪問時就表示自己可能有著賽馬既基因，希望成為一位騎師。即使佢之前讀畢大學與電影相關既學位，佢仍然希望好似其父柏兆雷咁成為一位騎師。

佢上星期四策騎由司馬嘉（David Smaga）訓練既Saphirside贏出隆尚賽事，可以話係對師父一份最佳禮物。睇下呢位女騎師會否繼法國騎師麥晴欣後，於法國站穩陣腳並走向世界。

而美國練馬師艾蒙信（Steve Asmussen）大仔Keith Asmussen就係當地時間星期日贏出從騎首場頭馬。佢策騎由其父訓練既Inis Gluaire於德州既Lone Star Park贏出，自上個月15號起策騎，終獲得首場頭馬。雖然成個月先有頭馬交出，但佢只係上陣過16次。佢賽後就話佢今年只係22歲，所以細細就黎Lone Star Park，能夠係到贏到頭馬，令人感到十分興奮，且有夢想成真既感覺。

Source: leparisien.fr / Bloodhorse