【冠軍賽馬日名單公布 史卓豐將策日本代表「神業」出戰女皇盃】

Homan

9 April 2021, 11:50:13 am

冠軍賽馬日獲選馬匹名單琴日出左。合共有五匹外隊代表來港,全數為日本代表。

由於疫情仍然未明朗,即使冠軍賽馬日會以Racing Bubble 形式進行,但最終都只有日本代表來港。除左中山記念冠軍Hishi Iguazu(ヒシイグアス)突然從來港名單中消失外,其他一早表明來港賽駒都榜上有名。而「野田重擊」(Danon Smash)、「謀勇兼備」(Daring Tact)及「唯獨愛你」(Loves Only You)配搭於獲選名單公布前已確定。

冠軍一哩賽則只有七匹馬報名入選,焦點當然係「金鎗六十」。回師1600米究竟可唔可以繼續勝軌呢?而主席短途獎則有短途錦標三甲補入下,令賽事形勢更不明。

而今日本傳媒報導,「神業」(Kiseki)將會由史卓豐策騎出戰女皇盃。現時外隊中,只餘「耀滿瓶」(Glory Vase)未有配搭。現時除了「謀勇兼備」會用松山弘平外,日本代表都會用以香港為基地既騎師。配搭未知既「耀滿瓶」相信很大機會用香港為基地既騎師,皆因日本騎師回國後需隔離14天,即意味著日本騎師本港後會錯過維多利亞一哩賽及NHK一哩賽兩項一級賽。

Source: HKJC, Netkeiba
Photo Credit: HKJC