【冠軍級騎師】蘇兆輝戴圖理往沙特掘金

Homan

8 January 2022, 2:17:11 am

英國冬季雖然都有平地膠沙地賽事,但好多平地賽騎師都會選擇到中東國家上陣。

以往杜拜都係呢班前列騎師嘅選擇,畢竟下星期五開始嘅杜拜世界盃嘉年華賽期獎金高,而且放眼成個中東得佢咁高。不過近年鄰近國家都大力發展賽馬,當中沙特阿拉伯可以話佢嘅最大對手,除左黎緊2月尾會有全球最高獎金嘅沙特盃外,1月開始亦有唔少高獎金賽事。

因此,自沙特阿拉伯大搞之後,戴圖理幾乎每年都會到當地策騎上陣,仲讚沙特啲配套好好,而今日起佢就會開始於當地上陣。今年除左佢之外,仲有本身會黎香港嘅蘇兆輝,蘇兆輝早前就話黎香港有好多不確定因素,因此放棄來港客串。今年起無任何主帥約嘅蘇兆輝咁早黎到中東上陣,睇黎遲啲杜拜賽事都會見到呢位冠軍級騎師。佢琴日已經係當地上陣並交出頭馬。

順帶一提,騎師郭能現時亦都喺中東,佢早前已經到巴林客串,並不時交出頭馬。

Source: At the races
Photo: HKJC