【冠軍人馬獎】今季曲終人散 「金鎗六十」正式登基奪馬王

Homan

13 July 2021, 4:15:18 pm

今晚馬會舉行冠軍人馬獎頒獎典禮,總結今個馬季表揚今季表現出色人馬。

全晚焦點當然係「金鎗六十」,雖然未有挑戰香港三冠系列尾關,但憑住季內四勝一級賽既表現,榮登馬王寶座。佢同時亦都係最佳一哩馬、最佳中距離馬及最受歡迎馬匹得主。

而最佳短途馬就由「旺蝦王」奪得,今季於百週年紀念短途盃贏馬,首次勝出一級賽。雖下半季未有上陣,但季初表現令評審認為佢可以獲獎。主席短途獎冠軍「福逸」不但失落最佳短途馬,亦同時失落最佳四歲馬。香港打吡冠軍「達心星」獲得最佳四歲馬殊榮,雖然於四歲系列賽頭兩關落第,但打吡一仗表現出色取勝,成獲獎關鍵。暫時呢個新設都由應屆打吡冠軍獲得,莫非打吡冠軍會加多好多分?

最佳長途馬就由「勇戰神駒」獲得,季內不但於香港打吡大賽跑入季軍,更於遮打盃取勝。這匹南美賽駒有意接受邀請出戰11月既墨爾本盃。雖然騎師人選值得關注,但檢疫甚至今年起開始既賽前電腦掃瞄,或會影響成行機會。當然,若最佳長途馬能代表香港出戰,將會十分令人期待。且看練馬師苗禮德會如何部署。

而無敗賽駒「佳運財」順利獲得最佳新馬,最大進步馬匹就由「速遞奇兵」贏得。另外,今年退役既「美麗傳承」及「時時精綵」就獲得終身成就獎,以肯定兩駒對香港馬壇所作出既貢獻。

冠軍練馬師及騎師早已確定,方嘉柏及莫雷拉頭馬數字遙遙領先下贏得冠軍。莫雷拉更贏得最受歡迎騎師。而表揚華人騎師既告東尼獎就要等跑埋煞科賽日先知道喇!

Source: HKJC
Photo: HKJC