【冠軍之選】潘頓莫雷拉揀定經典一哩賽座騎

Homan

17 January 2022 at 1:49:43 pm

經典一哩賽報名馬名單啱啱公布，各前列騎師嘅選擇會成為眾人焦點。尤其兩人冠軍級騎師。

據SCMP報導，啱啱傷癒復出嘅潘頓，早喺報名表公布之前，已經有消息傳出佢會為沈集成馬房嘅「包裝長勝」效力，因此佢將唔會策騎「加州星球」上陣。

而「加州星球」將會交由佢嘅另一位贏馬拍檔蔡明紹執韁。今年蔡明紹表現出色，現以21場頭馬排喺騎師榜第六位。睇下呢位華將可唔可以今個星期騎師策「八仟師」出戰一級賽後，再憑「加州星球」喺經典一哩賽交出成績。

而莫雷拉曾策多匹報名名單內嘅賽駒贏馬，佢最終決定為練馬師蔡約翰效力。莫雷拉將會策「喜譽寶」出戰，該駒近兩仗於二班賽都未能取得頭馬。

但莫雷拉接受訪問時就表示該駒近兩仗於步速不利下僅敗，幕後對「喜譽寶」充滿期望。佢認為「喜譽寶」會喺四歲系列會極具競爭力，如「喜譽寶」經典一哩表現不俗，佢不排除策騎該駒出戰經典盃。莫雷拉呢個選擇，令新勝馬「浪漫勇士」及「醉眼光」都需要換人上陣。

另外，騎師何澤堯預計會為「包裝智威」效力，雖然剛戰得季軍，但幕後相當滿意其表現，何澤堯亦於「包裝智威」及谷轉田嘅「俏芳華」中選擇前者。而後者就預計交由巴度執韁。

隨著大賽臨近，相信配搭消息會更明朗。


Source: SCMP
Photo: HKJC