【再有法國騎師來港客串】

Homan

繼巴度同彭國年,將會再有騎師於香港客串。

雖然馬會未出新聞稿,但SCMP透露該名取代杜美爾既客串騎師係來自法國既賀銘年(Antoine Hamelin),佢將會客串至季尾。

據知佢星期一已經出發前往香港,並於今日抵達香港。佢已經開始於酒店內展開隔離生活。十四日後將會可以展開係香港既策騎生涯。呢位法國騎師上年贏出七十一場頭馬,今年則贏出七場頭馬。

初出道時曾策騎「巴黎市郊」(Saonois)贏出法國打吡,並策騎該匹由麵包師傅擁有既賽駒前來香港出戰2012年既香港盃,以第十名過終點。事隔八年,佢將再次踏足香港,成為香港馬會既公司騎師。

Source: SCMP