【冇得衛冕覺士盾】「氣靜心平」退役 穿梭南北半球配種

Ramos

31 August 2022 at 6:11:32 am

​

橫跨四個國家 (美國、澳洲、法國、英國) 皆能勇奪一級賽，由岳本賢訓練的四歲雄馬「氣靜心平」 (State Of Rest)，剛戰縮程角逐傑克莫華大賽，表現未如預期，只跑得第八名。

原先希望重整旗鼓，再度遠征澳洲衛冕覺士盾，不過就傳來了壞消息，日前進行了 MRI 掃瞄，發現有啲狀況出現咗，因而未能通過澳洲維省馬會嗰關。岳本賢亦估計呢次檢驗結果係傑克莫華大賽表現失望的原因。

「氣靜心平」出道以來13戰5勝，當中四場所贏的錦標賽全為一級賽，分別係沙拉托加打吡、覺士盾、根利錦標及威爾斯親王錦標。「氣靜心平」退役後，將會在愛爾蘭的 Rathbarry Stud 及澳洲的 Newgate Farm，南北兩地作穿梭種馬。

Source: Racing Post, TDN Europe