【其實我無諗】面對離港傳言 潘頓：我無時間去諗

Homan

7 September 2022 at 1:13:31 pm

現年39歲嘅潘頓上季贏得冠軍騎師寶座，今季將繼續喺香港上陣。

上年於香港短途錦標經歷墮馬意外，另外本身亦有不少舊患。再加上Racing Bubbles下嘅騎師、練馬師及馬房人員生活會有不便。雖然與最嚴格時有差距，但相信對佢地嘅生活有一定影響，亦會構成部份心理壓力。

騎師薛恩上季尾決定離港時曾經透露自己因Racing Bubbles所構成嘅精神壓力而離開香港。以上種種原因，近日又又又又傳出潘頓可能會離開香港甚至退休。

對於呢個基本每年都傳至少一次傳言，潘頓接受SCMP訪問時表示實際上並無時間考慮呢個問題，基本上佢一完季就離開香港，久違地離開香港，先後到杜拜及馬爾代夫度假。假期入面佢並無思考呢個問題，度過左一個愉快嘅假期。佢會喺新季慢慢感受，再慢慢決定未來嘅策騎生涯。

Source: SCMP
Photo: HKJC