【兩日三單】澳洲見習生Leah Kilner情況稍好轉 另再有見習生墮馬昏迷 騎師比馬踢中頭部

Homan

5 July 2022, 3:06:43 am

澳洲見習生Leah Kilner星期日於葛夫頓馬場墮馬,並陷入昏迷,需即時送入布里斯班Princess Alexandra醫院,賽事亦需延期。

Leah Kilner當晚接受緊急手術,紓緩腦內的壓力。該項手術相當成功,多個消息指佢一度可以聽到家人講野並以手握緊前來探望嘅母親。但佢仍然於深切治療部留醫,醫院見佢情況漸穩,會於未來48小時內減少鎮靜,意味著佢將會甦醒。如一切順利,佢將會轉到其他病房繼續接受治療。另外,Leah Kilner並未任何脊椎損傷,但其肋骨及銷骨骨折。相信等佢一切穩定後就會治理。

另外,星期一於Gunnedah舉行嘅賽事,女見習生Elissa Meredith於陣上墮馬。起初其一度於救護車內復恢意識,但及後陷入昏迷並送往John Hunter 醫院治理。星期一晚的檢查顯示其腦部有損傷,但其他地方並未有骨折。佢現於深切治療部留醫。今早Racing NSW出Post指佢將會接受更詳細檢查,現時情況穩定。

而維省星期一就傳出騎師Juana Andreou比馬匹踢中頭部嚴重受傷,佢隨即被送到Royal Melbourne醫院接受治理,情況危殆。佢接受兩項腦部手術止血及紓緩腦壓。暫時其情況仍有待更新,祝願一切平安。

希望三位騎師可以盡快康復。


Source: Racing NSW, Racenet
Photo: 圖為Leah Kilner (Racenet)