Homan

12 March 2021 at 5:09:01 am

利申先，無收廣告，但真心好玩。

賽馬娘以競賽馬擬人化，而掀起一浪接一浪熱潮既賽馬娘，近來熱潮推近頂峰。

由著名遊戲開放公司Cygames製作既賽馬娘 Pretty Derby終於上月尾於日本推出。遊戲原定於2018年尾推出，以配合當時第一季動畫（故事以「特別週」（スペシャルウィーク）及「無聲鈴鹿」（サイレンススズカ）為主線）。不過當時似乎遊戲並未完成，結果遊戲一再推遲至上月尾推出。

好彩配合第二季動畫既熱潮，（利申未睇，但聽講以「東海帝皇」（トウカイテイオー）為主線），一登場就隨即登上日本手提電話遊戲榜榜首。動畫製作組一直跟足史實去製作動畫，可謂相當用心。雖然因為版權原因，並非所有賽駒都可以擬人化，尤其當地仍未同社台傾掂數，所以基本上冇任有社台賽駒可以擬人。

遊戲方面，當玩家玩落就明白等兩年都真係等得抵。由於遊戲暫時封左日本以外其他亞洲地區IP，如需要登入遊戲就必需使用VPN。筆者則以英國VPN登入試玩遊戲。遊戲可以分為四部分，分別係抽卡、育成、對戰及故事模式。抽卡就分為馬娘本身及育成支援卡，當中有一款10抽係保證會有SSR（最高級別）卡，但就需要課金先抽到。早前就有報導就話現時課金排行榜第一位就課左2750萬日圓（約二百萬港元，傳送門：https://game.ettoday.net/article/1931856.htm ）有人就笑言呢個課金數直頭可以養隻真馬。不過呢個都睇得出玩家對馬娘既愛。

而育成就係揀一隻馬娘去完成唔同目標，當中需要訓練馬娘，如支援卡高等級就有助提升能力值完成任務。即使最終完成任務與否，該已訓練完成既馬娘就會加入你既隊伍，助你參加升級戰，從而贏到更多道具及榮譽。而故事模式就係比你了解賽馬娘故事既世界，由於大部份都跟日本賽馬史實，所以令人可以讚嘆製作組既用心。

以我既印象，賽馬娘並非第一次將動物或物件擬人化。史實人物女體化或物件擬人化早於2000初左右開始，最初以爆衫動漫一騎當千，將三個人物女體化。而之後就有戀姬無雙、戰國戀姬等將不同歷史人物女體化。之後就有強襲魔女將陸空兵器擬人化及艦娘將戰艦擬人化。

賽馬運動本身當然吸引，但呢一類型既Crossover可以吸引到更多唔同喜好既人留意賽馬，或許可以擴闊賽馬愛好者的層面。