【兩位日本墮馬意外騎師未能出戰春季天皇賞】

Homan

28 April 2020 at 4:38:23 am

日本上星期既連環墮馬意外，兩位騎師松山弘平及岩田康誠都被送到醫院檢查。松山弘平一度傳出冇大礙並已經出院。但經過進一步檢查，報告指佢盤骨既仙骨骨折（見下圖）。

由於都幾隱蔽，所以初步檢查都見唔到。但佢唔使入院，而日常生活亦唔會受影響。但安全起見，佢唔會於今個星期既賽事中上陣。其春季天皇賞座騎Meisho Tengen（メイショウテンゲン）將交由幸英明策騎。

而岩田康誠就較為嚴重，入院時已經發現其腕骨骨折，故鐵定今個星期未能上陣，其春季天皇賞座騎「笑一笑」（You Can Smile，ユーキャンスマイル）轉交浜中俊執韁。浜中俊今年二月尾先傷癒復出，今年暫時有九場頭馬。

Source: Netkeiba