【全熱門閘前發脾氣 仍然出閘 馬迷不滿】

Homan

27 February 2020 at 12:28:29 pm

琴晚「君達星」衝閘，跑幾百米之後收停。閘前接受檢驗後，獸醫認為可以出賽。惟呢匹1.5倍大熱門入到直路之後無以為繼，最終只以第七名過終點，賽後好多人都相當不滿。

琴日除左香港，日本地方競馬亦有類似情況。琴日既大井賽事亦有類似事件發生。當地既第九場賽事，1.2倍大熱門Originator（オリジネイター，紅帽五號馬）自轉入大井後八戰全勝，挑戰九連勝。Originator於閘前發脾氣，拋下鞍上人横川怜央，騎師之後主動解馬鞍，其他馬亦都重新準備。

當以為呢匹熱門會退出之際，獸醫檢查後認為適合出賽，鏡頭一轉，橫川已經上番馬，嚇到niconico班人傻左。結果，奇跡並冇發生，Originator出閘唔迅速，仲要好快就收停。1.2倍全熱門就咁玩完，賽駒雖然上左運馬車，但並無嚴重受傷。不過當地馬迷就重傷，仲聽講有馬迷賽事完左之後打電話投訴！不過官方只係話Originator左後腳不良於行，都真係唔知好嬲定好笑。

Video: @Tricksjp