【傷病纏身】2019 年日本最佳泥地馬Chrysoberyl退役

Homan

13 October 2021, 9:28:36 am

日本賽駒Chrysoberyl(クリソベリル)以三歲馬身登上2019 年日本最佳泥地馬寶座,惜曾因靭帶傷患休養大半年,復出後卻被驗出患有喘鳴症,其嚴重程度引致退役。

Chrysoberyl於日本出道之初豪取六連勝,當中以三歲馬身份贏日本泥地打吡大賽及一級賽冠軍盃。出色戰績令佢被選為2019日本最佳泥地馬,佢於2020年遠征首屆沙特盃,終於首嚐敗績,只得第七名。及後回日後先後攻下帝王賞及日本育馬者盃經典大賽。佢未能於上年嘅冠軍盃延續勝軌,賽後更發現靭帶受傷而需要休養大半年。

佢於上月日本電視盃傷出,可惜大敗而回。幕後決定讓其放草休養,但再發現Chrysoberyl患有四級喘鳴症,練馬師及幕後商討後決定讓該駒退役。練馬師音無秀孝指四級喘鳴症難以手術根治,倒不如讓其退役轉任種馬,延續「黃金魅力」(ゴールドアリュール,Gold Allure)嘅血脈。

香港前服役賽駒「小母牛」亦患有四級喘鳴,雖然服役期間曾取得三場頭馬,但於之後喘鳴復發未能再進一步。當時馬會曾為「小母牛」兩度做手術,但之後表現未如如期,幕後手術後一仗就宣布退役。

Source: スポーツ報知
Photo: 2019 冠軍盃截圖