【做足檢查】布文策「快步速」墮馬 通過所有檢查星期三上陣

Homan

27 December 2022 at 3:29:59 am

布文喺上星期六策「快步速」墮馬，當時佢清醒送院。今個星期三佢繼續入紙排位並將會如期上陣。而當中到底發生過甚麼事？

賽駒奔跑時超過時速每小時60公里，如果喺鞍上跌落黎，情況可大可小。「快步速」當時於第一次過終點後倒下，拋下布文。而「快步速」倒下就未有郁動。而布文憶述當時情況就話墮馬果陣雖然頭落地，但當時佢意識到「快步速」過終點後未有轉彎，情況有異，所以已經做好著陸嘅準備，因為唔算喺相當高嘅地方跌落黎。

當時佢跌落黎後撞到頭，但佢仍有意識。佢第一時間喺想遠離賽駒避免進一步傷害。不過佢見到「快步速」未有郁動後就再諗到需要盡快離開跑道，否則會番黎嘅賽駒踢中。不過最後董事決定取消賽事，令布文可以得到及時治理。

布文被送到威爾斯親王醫院後，接受一系列頸及頭部檢查。所有檢查顯示正常，未有異樣。但由於檢查需要，佢等候檢查時唔可以飲食，布文就話自己等左好耐先有得飲水食野，直至醫護人員做曬所有檢查先有得飲水。

原本院方想佢留醫一晚，但布文就話如果MRI檢查正常，佢會堅持番屋企。結果佢以救護車由威院送往聯合醫院，接受聯合醫院嘅何醫生檢查。結果一切正常，而佢亦喺平安夜晚上10點鐘番到屋企，同家人共渡聖誕節。

聖誕節早上，佢再前往聯合醫院接受何醫生一系列檢查，規格與取得賽馬會騎師牌照時相同，通過有關檢查意味著佢嘅身體可以接受策騎聘約。

布文如期會喺星期三上陣，全晚每場都有坐騎。

Source: SCMP
Photo: HKJC

==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Patreon：https://www.patreon.com/hkgoldracing
FacebookPage：https://www.facebook.com/HKGoldRacing
Twitch：https://www.twitch.tv/goldenrace
賽馬新聞：https://www.hkgoldracing.com/news-1