【你禁我告你】巴富達團隊計劃控告邱吉爾園禁賽決定

Homan

11 January 2022 at 5:55:17 am

美國殿堂級練馬師巴富達喺上年肯塔基打吡賽後，由佢訓練嘅Medina Spirit未能通過藥檢。佢事後被邱吉爾園禁止於邱吉爾園旗下馬場上陣兩年。而Medina Spirit早前就喺操練後，懷疑因心臟病離世，死因仍在調查中（相關報導：https://bit.ly/3pBnAVs）。

邱吉爾園嘅禁賽決定，不但令巴富達旗下賽駒於邱吉爾園馬場上陣，甚至就算喺其他馬場出戰肯塔打吡及橡戰引進賽，都不獲任何積分。

同時引發其他地方馬會都相繼禁止巴富達派馬上陣，但早前佢就紐約馬會嘅禁賽決定訴諸法庭。而當地法院裁定巴富達一方勝訴，並暫時可重新派馬喺紐約馬會旗下馬場出賽。不過，紐約馬會將於1月24號舉行聽證會，屆時巴富達有機會再次被禁派馬上陣。

而今次巴富達團隊對外公布有意透過法律挑戰邱吉爾園禁賽決定。邱吉爾園管理團隊似乎就未驚過，出左篇聲明就話佢地只係保護緊賽馬運動嘅誠信，無人可以超越規則，包括巴富達。

佢地嘅CEO仲話如果巴富達團隊提出訴訟，佢地會立刻反擊，甚至考慮利用法律澄請，並會控告巴富達一方需就佢地名譽所造成嘅損害負責。至於巴富達係咪真係會落手告，就應該過一段時先知，至少而家佢仲喺唔可以派馬於邱吉爾園上陣。

Source: Bloodhorse
Photo: Bloodhorse