【休養半年】東瀛女將古川奈穂傷癒十月回歸上陣

Homan

23 September 2021 at 2:18:29 pm

今年三月出道嘅JRA女騎師古川奈穂，自四月尾就未有上陣。當時指其肩傷舊患困擾呢位初出道騎師。

古川嘅師父矢作芳人決定讓其愛徒休養，並走訪幾間醫院尋求最合適嘅治療方法。而最終佢地決定讓古川接受手術，並休養半年，以最佳狀態回歸。當時消息指預計古川至少要等到明年先可以再上陣，不過康復情況似乎相當理想。古川將於十月初重返馬匹訓練中心操馬，並預計10月9號起於阪神賽事上陣。

早前矢作芳人表示如果古川於育馬者盃時仍未好番，會帶埋愛徒一齊與「唯獨愛你」（Loves Only You，ラヴズオンリーユー）一同遠征美國，等佢可以開下眼界。矢作對徒弟相當照顧，早於「雍容白荷」（Lys Gracieux，リスグラシュー）遠征澳洲時，已帶埋當時於其馬房實習嘅古川到當地。

古川奈穂於休養前取得八場頭馬，頭馬率為百分之八左右。且看復出後表現如何喇！

Source: デイリースポーツ
Photo: カンテレ競馬