【今次有私人飛機去杜拜 雷神話騎埋尾場都得】

Homan

兩位香港冠軍級騎師潘頓及莫雷拉月尾將會啓程前往杜拜出戰杜拜世界盃賽日。除左日前確認莫雷拉會策騎「仁者荃心」出戰杜拜金沙軒錦標外,剛剛日本傳媒透露莫雷拉會策騎肯塔基打吡第六名 Master Fencer (マスターフェンサー)出戰杜拜世界盃。

由於疫情影響,香港馬會考慮出動私人飛機接送兩位騎師,意味著即使雷神出戰埋杜拜世界盃都應該可以趕得切於星期日上陣。而潘頓尾場冇座騎既話就要等埋莫雷拉先可以上機喇!

現時莫雷拉整個賽日一共有五匹座騎,分別係高多芬一哩既香港代表「烽煙四喜」、杜拜金沙軒錦標既香港代表「仁者荃心」、杜拜司馬經典賽既日本代表「耀滿瓶」、杜拜草地大賽既日本代表「勝出光采」及杜拜世界盃既日本代表Master Fencer。而潘頓則暫時只有一匹座騎,就係阿喬斯短途錦標既香港代表「常感恩」。

據知當地正受武漢肺炎疫情影響,曾經考慮延期。但近日消息指杜拜世界盃賽日會如期舉行,但將限制入場人士,規則應與杜拜超級星期六相同。

Source: SCMP; スポーツ報知