【今期主角係你呀信託】

Tony

今個星期日本戰報,「魔族雅谷」贏馬都唔係重點,因為主角咁樣揸流灘都得!

今個星期日本賽事,關東轉去東京跑,亦有兩場三級賽舉行,不過先講兩場普通賽事。

星期六京都嘅牛若丸跳欄錦標,大熱門「信託」(Trust)嘅騎師熊沢重文喺直路上拋離對手五六個馬位果陣提早收韁,差啲比後面高田潤嘅座騎Air Cardinal追到,最後「信託」都係贏咗,不過熊沢就要停賽2日。

莫艾誠客串期結束,一共贏得27場頭馬,今個星期就贏7場;不過武豊亦都唔差,今個星期贏咗6場,當中包括星期日東京嘅3勝條件賽,「石灰岩谷」(Bozzhira)上場轉播賽贏咗升班,今場由李慕華換佢上陣,終點前力壓Sun Appleton贏出。

京都嘅絲路錦標,三甲全部都係後上馬攞晒,而且全部都係轉播賽未見過嘅。A Will A Way終於贏返場三級賽,嚟緊高松宮紀念可以留意,「魔族閃焰」(Mozu Superflare)放頭放到最後一百先比外檔過頭,去到高松宮可唔可以頂到完場呢?Red en Ciel隔7個月復出仲要捧成4.6倍大熱結果包尾,傻仔先要埋一份!

東京就有根岸錦標,「魔族雅谷」轉跑泥地一樣掃場,面對「活蹦雀躍」仍然可以輕鬆勝出取得優先出賽權,下場二月錦標應該會見到佢。不過另一邊Dr. Copa就話「活蹦雀躍」二月錦標唔玩咯!

重播:
https://www.youtube.com/watch?v=i0QxH2-5Px8
https://www.youtube.com/watch?v=CqYpvDrHsU0
https://www.youtube.com/watch?v=d-eKqp86SwQ
https://www.youtube.com/watch?v=TotOK3LKBcw