【五磅有用呀 留起佢 英國見習生小休一個月】

Homan

前提係有能力….

英國女見習生Laura Pearson出道僅三個月,上陣110次已取得22場頭馬。現時佢於當地全天候跑道最佳見習生中領先6場頭馬。連續取得頭馬下,出道只係三個月已經得番5磅減磅優惠。

Laura同佢師傅Tom Clover及Steven Croft商量後決定休戰一個月,避免太快消耗曬啲減磅優惠。佢地既目標之一係為左Laura可以係草地賽季展開後,爭奪草地見習騎師冠軍。

而由於佢係全天候跑道最佳見習生中領先,所以佢會休息至三月復出,希望可以兩個見習冠軍都可以贏到。不過佢地主要目標係冠軍草地見習騎師。Laura就話雖然二月有個休息期,但佢唔會完全停落黎,而係趁機訓練好體能,以更佳狀態迎接挑戰。睇下近年年輕好手輩出既英國,今年會唔會再有驚喜喇!

Source: Racing Post