【丸山不元氣】日本JRA首宗騎師確診 JRA將綜合各因素決定今週會否繼續賽事

Homan

1 September 2021, 2:13:31 pm

今早日本傳媒報導日本騎師丸山元氣對武漢肺炎測試呈陽性,由於情況並不嚴重,現於家居隔離治療。

消息一傳出即帶來美浦及栗東訓練中心帶黎小型混亂。而今早曾與丸山元氣一同於上星期六及日新潟策騎既騎師、曾與丸山接觸過既栗東、美浦訓練中心等工作人員,合共有57名。佢地全部已接受檢測,並根據結果決定今個星期是否續賽,而開飛時間或因而延遲。而呢57名人員需要繼續留係屋企,聽日仍然唔能夠出席晨操。

唔少前列騎師如川田將雅、李慕華、松山弘平等都有於上星期到新潟策騎,相信佢地聽日都唔會出席晨操。現時JRA並無確定丸山既緊密接觸者,因而未有人因此而隔離。有傳媒問到JRA會否公布感染源頭,但JRA以私隱理由拒絕。

今日原會出戰佐賀交流重賞サマーチャンピオン既福永祐一、幸英明及松山弘平亦因為丸山確診而未能出戰。原由幸英明策騎既ラプタス易配當地老將鮫島克也大勝七個馬位。日本騎師會長武豊就表示對確診報導感到震驚,亦相信即使今週賽事可舉行,但檢測措施將更嚴格。

Source: スポーツ報知
Photo: ラジオNIKKEI賞截圖