Homan

4 August 2022 at 1:08:58 pm

首先要作一項更正：琴日我地將日藉騎師Taiki Yanagida誤譯作柳田大樹，其日本漢字全名應為柳田泰己。不便之處，敬請見諒。

現年28歲嘅柳田泰己現時仍然危殆，情況並不樂觀。佢喺墮馬後被送往懷托卡（Waikato）醫院，並原定轉到Middlemore醫院繼續治理。但雅旺第醫院醫生認為現時並不合適，因而現時仍然喺雅旺第醫院留醫。柳田仍然陷入昏迷且需要接受手術治理其脊椎嘅傷勢。

而柳田嘅媽媽已經啟程前往紐西蘭並預計星期五早上就會抵達。柳田嘅好朋友，同為紐西蘭騎師嘅熊谷勇斗（Yuto Kumagai）將會協助不懂英語嘅柳田媽媽。而熊谷就表示感到傷心及現時只能祈禱，希望柳田盡快脫險。

練馬師蘇利雲認同柳田多年嘅努力，認為佢雖然先天身型並不適合成為騎師，但佢相當努力同勤力。希望佢可以盡早康復。

Source: nzherald
Photo: Photosport