【世界大戰?日本評論話除左一哩外 其餘三場外隊有力奪標】

Homan

日本海外遠征統籌田中敬太今日於デイリースポーツ專欄指出,以現時情況黎睇,今年香港隊於短途、香港盃及香港瓶贏出機會頗低,只有一哩可憑「金鎗六十」保住一場頭馬。

佢認為上屆香港短途錦標冠軍「爭分奪秒」退役、季軍「忠心勇士」都養傷。而且接班馬並唔算出眾,外國賽駒今年或可能可以贏得呢項以往外隊難以贏取既錦標。

而一哩方面,佢就認為「金鎗六十」係爭勝主角,今個星期應輕鬆贏得馬會一哩錦標,並以最佳狀態出戰正賽。相信佢可以贏得香港一哩錦標。

而香港瓶方面,「時時精綵」或會出戰香港瓶,近兩屆分別取得冠季各一。相信會以馬會盃作為踏板進軍香港瓶,但未必穩陣。

而香港盃因「時時精綵」出戰香港瓶,香港盃參戰名單相信會更薄弱。因此佢相信除左「金鎗六十」在陣一哩戰線外,其他三場一級賽外隊馬好大機會可以壓到主隊馬奪冠。

編按:都唔知有咩外隊馬黎,啲日本馬話黎但少下一隻少下又一隻。玩下手四場夾埋外隊馬十隻手指數得曬,外隊咁都贏到都幾大鑊….

評論原文: https://news.yahoo.co.jp/articles/9c73e96cd508ada401886b9905592b75067ae673