【不敗紐西蘭馬Aegon攻蘭域堅尼 「露營友」棄維省戰肯德百里錦標】

Homan

之後去到新南威爾斯蘭域馬場,聽日會上演蘭域堅尼及肯德百里錦標兩項一級賽。

紐西蘭二千堅尼冠軍,現時五戰全勝既Aegon係焦點之一。Aegon上仗首戰澳洲賽事河霸圍錦標輕鬆贏馬,今仗排得8檔,後上型賽駒反而仲好。睇下呢匹「聖靈瀑布」(Sacred Falls)子嗣可唔可以延續連勝喇!而Golden Rose 亞軍North Pacific,上仗雖然輸比Aegon,但起動較遲,增程或可以逼近Aegon。而自仗於CS Hayes Stakes 追入季軍既Mo'unga,今仗回師新南威爾斯增程出戰亦有望威脅Aegon。

而1300米肯德百里錦標方面,焦點馬係上仗閃電錦標只得第五名既高多芬賽駒「露營友」(Bivouac),特意放棄衛冕新市場讓賽回師悉尼當然值得尊重,但上仗毫無追勢,無疑令人擔憂,而且右轉場從來都唔係佢拿手場地,究竟薄奇能可唔可以幫佢克服到呢?另一匹高多芬賽駒「白葡萄」(Savatiano),曾五勝二級賽,但未曾於一級賽揚威。近仗雖於Expressway Stakes 輕鬆贏馬,但今仗難言穩陣。反而由羅理雅策騎既Dreamforce或有機會突圍,雖然一直出戰一哩賽事為主,今仗休後第一仗或可以新鮮感應付1300米。另外,貝湯美策騎既Masked Crusader上仗以一個驚人姿態贏出Southern Cross Stakes,首戰一級賽會係考驗,但值得憧憬。

Source: Racenet