【不似預期】「麗冠花環」棄遠征 日本今年凱旋門希望仲有邊匹？

Homan

9 July 2021 at 2:20:24 pm

「麗冠花環」（Lei Papale，レイパパレ）今年挾五連勝之勢攻下大阪盃，取得六連勝。賽後幕後決定報爭凱旋門大賽。

不過「麗冠花環」於上月尾既寶塚紀念賽，首次增至2200米，被「創世駒」（Chrono Genesis，クロノジェネシス）擊敗，只得季軍。「麗冠花環」現時放草休息，幕後Carrot Club宣布「麗冠花環」將不會遠征法國，秋季主力以日本國內賽事為目標。

現時較有機會遠征法國既日本賽駒有兩駒，分別為春季天皇賞亞軍「緣厚情摯」（Deep Bond，ディープボンド）及GP三連霸既「創世駒」。前者不但已公布隨行伴跳馬外，亦公布抵法後安排，包括屆時會住邊個馬房。而「創世駒」幕後於上仗賽後曾表示有意帶該駒前往凱旋門大賽，但一切亦有待「創世駒」恢復情況而定。

Source: スポーツ報知
Photo: JRA