【上訴成功】蘇銘倫獲減刑至停八日 光榮古活賽期復出

Homan

15 July 2022, 8:23:23 am

蘇銘倫今月初喺日蝕大賽策「奮蹈厲」(Vadeni)勝出日蝕大賽,過終點因慶祝動作而被判不小心策騎,被罰停賽十二日。

蘇銘倫及後就刑期提出上訴,佢認為自己喺陣上有過失,但認為刑期有啲重,故提出上訴。英國馬會覆核有關案件,結果將刑罰由十二日調低至八日。蘇銘倫亦因此可以喺今個月底嘅光榮古活賽期中復出上陣。佢原本因為停賽而唔能夠喺光榮古活賽期頭兩日上陣。

蘇銘倫就話今次判罰(停賽十二日)係今個英國馬季最重嘅判罰,同時亦都係佢從騎以來最重嘅一次判罰。所以決定提出上訴。蘇銘倫上訴得直後感到開心並指自己下次會小心,盡量唔好影響到其他陣上騎師。

Source: Racing Post
Photo: Racing Post