【三條路線】郗國思為「勝千里」訂退役前三路線 幕後考慮後再決定

Homan

19 August 2022 at 3:25:34 am

「勝千里」（Baaeed）練馬師郗國思喺朱德望國際錦標後曾表示「勝千里」會以英國冠軍錦標為目標。事隔一日，計劃似乎有啲變化。

練馬師郗國思向傳媒透露現時所有情況都有可能發生。佢話自己同左馬主Sheikha Hissa商量，認為現時唔需要就下一個賽事部署落決定，可以再等一等先。郗國思亦就「勝千里」退役前部署諗左三個方案。第一個方案就係按原定計劃出戰英國冠軍錦標；第二個方案就係先出戰愛爾蘭冠軍錦標再出戰英國冠軍錦標；第三個方案則係先出戰愛爾蘭冠軍錦標再出戰凱旋門大賽。

郗國思補充馬主Sheikha Hissa有絕對決定權，基本上佢三個方案都可以，一切取決於馬主決定。當然馬主決定餘下兩個月出戰多於一場，佢未必會比「勝千里」有太多休息時間。反之，如「勝千里」只出戰一場英國冠軍錦標，「勝千里」先休息一陣再備戰。

馬主Sheikha Hissa曾於朱德望國際錦標賽後接受傳媒訪問透露希望「勝千里」最後一戰可以喺雅士谷出戰。而賽馬經理Angus Gold就話同馬主Sheikha Hissa傾過凱旋門大賽嘅可能性。不過馬主就話希望跟隨原計劃只出戰英國冠軍錦標。而Angus Gold亦都中間跑多場愛爾蘭冠軍錦標有保留。

郗國思就話現時只係提供多幾個選擇比馬主，一切都要等馬主及其一家作最終決定。


Source: Racing Post
Photo: Racing Post